Blog

სამეცნიერო კონფერენცია ,,დანტე ალიგიერი და „ღვთაებრივი კომედია“- ევროპული ცივილიზაციის ფესვები და მსოფლიო მემკვიდრეობის საგანძური“

დანტე ალიგიერის საზოგადოების თბილისის კომიტეტი საქართველოში იტალიის საელჩოსთან თანამშრომლობით  2021 წლის 28 სექტემბერს გამართავს დანტე ალიგიერის გარდაცვალების 700 წლისთავისადმი  მიძღვნილ  სამეცნიერო კონფერენციას თემაზე: „ღვთაებრივი კომედია“ – ევროპული ცივილიზაციის ფესვები და მსოფლიოს კულტურული მემკვიდრეობის საგანძური”

ინფორმაცია კონფერენციის შესახებ:

სამეცნიერო ფორუმის მიზანია წარმოაჩინოს მსოფლიოს კულტურისა და  ცივილიზაციის განვითარებაში გენიალური იტალიელი პოეტის მიერ შეტანილი უდიდესი წვლილი და დამსახურება. საყოველთაოდ ცნობილია, რომ დანტე ალიგიერის შემოქმედება დღემდე წარმოადგენს შთაგონების უშრეტ წყაროს ცნობიერებისა და აზროვნების ნებისმიერ სფეროში იქნება ეს პოეზია, ლიტერატურა, ხელოვნება, კულტურა, ფილოსოფია, თეოლოგია და თვით პოლიტიკაც კი.

საგანგებოდ ამ მნიშვნელოვანი სამეცნიერო კონფერენციისთვის თბილისს რომიდან პირველად ეწვევა პროფესორი ალესანდრო მაზი, დანტე ალიგიერის საზოგადოების გენერალური მდივანი, ცნობილი ჟურნალისტი, ხელოვნების ისტორიკოსი, მე-20 საუკუნის ხელოვნების ექსპერტი და არაერთი ცნობილი წიგნისა და პუბლიკაციის ავტორი. ღონისძიებას გამორჩეულ ღირებულებას შესძენს დანტე ალიგიერის საზოგადოების პრეზიდენტის, ცნოვილი მეცნიერისა და მკვლევარის, პროფესორ ანდრეა რიკარდის სტუმრობა, თუ მისი დატვირთული სამუშაო განრიგი ამის შესაძლებლობას მოგვცემს. ანდრეა რიკარდი საერთაშორისო ასოციასია „Communità di Sant’Egidio”-ს დამფუძნებელი და იტალიის საერთაშორისო თანამშრომლობისა და ინტეგრაციის ყოფილი მინისტრია.

კონფერენციას ოფიციალურად გახსნის საქართველოში იტალიის ელჩი ენრიკო ვალვო. მოხსენებებს პოეტის შემოქმედების შესახებ წარმოადგენენ დანტე ალიგიერის საზოგადოების, ასევე საქართველოსა და იტალიის აკადემიური და სამეცნიერო წრეების წარმომადგენლები.

კონფერენციაში მონაწილეობის მსურველებმა თეზისები უნდა გამოაგზავნონ 2021 წლის  აგვისტომდე შემდეგ მისამართზე: dantecelebrazioni700@gmail.com

 

კონფერენციის რეგლამენტი:

მოხსენება – 15 წუთი

მსჯელობა – 5 წუთი

 

კონფერენციაში მონაწილეობის ფორმატი: მოხსენება

კონფერენციის ჩატარების ფორმატი: კონფერენციის ზუსტი თარიღი და საბოლოო ფორმატი განისაზღვრება ზოგადი ეპიდემიოლოგიური მდგომარეობიდან გამომდინარე, იტალიიდან მოწვეული სტუმრებისა და მომხსენებლების საჭიროებების გათვალისწინებით, აგრეთვე უსაფრთხოების ზომების სრული დაცვით.

 

თეზისების გაფორმების წესი:

მომხსენებლის სახელი, გვარი

ორგანიზაციის/ინსტიტუციის დასახელება

მომხსენებლის აკადემიური ხარისხი

მომხსენებლის ტელეფონი (მობილური) და ელექტრონული ფოსტის მისამართი

მოხსენების სათაური

ფონტი: sylfaen

ფონტის ზომა: 12

ინტერვალი: 1,5

ტექსტის მოცულობა: მაქსიმუმ 300 სიტყვა

 

კონფერენციის სამუშაო ენა – ქართული და იტალიური

კონფერენციის პროგრამა და თეზისები გამოქვეყნდება

 

საკონტაქტო პირები:

ასოც. პროფესორი ნინო ცერცვაძე

მობ. 599 542 289

თამარ მამასახლისი

მობ.  599 050510

 

გაზიარება:

Leave a Reply

Your email address will not be published. Required fields are marked *